Bayden Avropada 3 minə qədər ehtiyatda olan hərbçidən istifadə etməyə icazə verib

ABŞ Prezidenti Cozef Bayden Pentaqona ordunun 3 000-ə qədər ehtiyatda olan hərbçisini Avropaya göndərilməsinə icazə verib.

“Report” xəbər verir ki, bu barədə “The Washington Post” ölkənin Birləşmiş Qərargah Rəisləri Komitəsinin əməliyyat idarəsinin rəhbəri general-leytenant Duqlas Simsə istinadən məlumat yayıb.

Onun sözlərinə görə, bu qərar nazirliyə müttəfiqlərə dəstəyi artırmağa və Amerikanın xaricdə geniş iştirakını saxlamağa imkan verəcək.

Qəzet qeyd edir ki, Pentaqonun məhz bu ehtiyat qüvvələrdən nə vaxt istifadə etmək niyyətində olduğu və ümumiyyətlə niyyətində olub-olmadığı bilinmir.