Bakı. 28 fevral. REPORT.AZ/ ABŞ prezidenti Barak Obama siyasətçi Boris Nemtsovun qətlini pisləyib.
"Report" xəbər verir ki, bu barədə Ağ ev yanında ABŞ Milli Təhlükəsizlik Şurasının rəsmi "Twitter" səhifəsində məlumat yerləşdirilib.
"ABŞ prezidenti: Birləşmiş Ştatlar Boris Nemtsovun dəhşətli qətlini pisləyir. Biz Rusiya hökumətini təxirə salınmadan, qərəzsiz və şəffaf təhqiqat aparmağa və müqəssirlərin məsuliyyətə cəlb edilməsinə nail olmağa çağırırıq", - deyə məlumatda bildirilir.