Avropada koronavirusdan ölüm 10 dəfə azalıb

Avropada koronavirusa yoluxma hallarının kəskin artmasına baxmayaraq, qitədə 2020-ci ilin sonu ilə müqayisədə ölüm halları 10 dəfə azalıb.

"Report" xəbər verir ki, bu barədə Ümumdünya Səhiyyə Təşkilatının (ÜST) hesabatında deyilir.

Məlumata görə, son 3 həftə ərzində Avropada yoluxma artıb. Böyük Britaniya, Almaniya, Avstriya, Macarıstan, Baltikyanı ölkələr və bir sıra digər dövlətlər hazırda yoluxma sayına görə öndədir.

Bununla belə, ölüm nisbəti dəfələrlə aşağı düşüb. Məsələn, yanvarda Almaniyada gündə 1 200 insan xəstəlikdən ölürdüsə, hazırda bu rəqəm 150 nəfər təşkil edir.