Avropa Komissiyasında müdafiə və kosmos üzrə komissar vəzifəsi təsis edilə bilər

Avropa Komissiyasında (AK) müdafiə və kosmos üzrə Avropa komissarı vəzifəsi təsis edilə bilər.

"Report" xarici KİV-ə istinadən xəbər verir ki, bu təkliflə Avropa Komissiyasının prezidenti Ursula fon der Lyayen çıxış edib.

O, bu vəzifəyə Litva nümayəndəsi Andrius Kubiliusun namizədliyini irəli sürüb.

"Andrius Kubilius müdafiə və kosmos üzrə Avropa komissarı olacaq və Avropa Müdafiə İttifaqını inkişaf etdirmək və müdafiə qabiliyyətimizi artırmaq üçün çalışacaq", - o bildirib.