Bakı. 3 fevral. REPORT.AZ/ Argentinada güclü daşqınlar səbəbindən 10 min nəfər təxliyyə olunub.
"Report" "Rusiya 24" telekanalına istinadən xəbər verir ki, ən çətin vəziyyət ölkənin şimal-qərbində yaranıb.
Leysan yağışlar nəticəsində çaylar məcrasından çıxıb, yolları tamamilə su basıb, binalara ziyan dəyib. Çaylarda suyun səviyyəsi 6 metr normanı aşıb.
Daha əvvəl ölkənin Çako əyalətində daşqın nəticəsində 9 mindən çox ev su altında qalıb.
Vəziyyətlə əlaqədar Argentina hökuməti fövqəladə rejim tətbiq edib.