Bakı. 5 sentyabr. REPORT.AZ/ Argentinanın Nazirlər Kabinetinin rəhbəri Anibal Fernandes bəyan edib ki, ölkəsi Suriyadan daha çox qaçqın qəbul etməyə hazırdır.
"Report" BBC-yə istinadən xəbər verir ki, hökumət cümə günü elan olunduğu kimi, ötən ildən fəaliyyət göstərən proqram üzrə suriyalılar üçün giriş şərtlərini asanlaşdıracaq.
Fernandesin sözlərinə görə, Argentina milli adət-ənənəyə uyğun olaraq humanitar böhran nəticələrindən xilas olmağa çalışan hər kəsə yardım göstərir.