Antverpendə binada baş verən yanğın nəticəsində 6 nəfər ölüb

Belçikanın Antverpen şəhərinin Linkeruver rayonunda onmərtəbəli yaşayış binasında baş verən yanğın nəticəsində azı 6 nəfər ölüb.

"Report" xəbər verir ki, bu barədə Belçika mediası polisə istinadən məlumat yayıb.

"Yanğınsöndürmə xidməti hələ də digər mümkün qurbanların axtarışını davam etdirir", – polisdən bildirilib.

Yanğının səbəbi hələ də araşdırılır, alovlanmanın birinci mərtəbədən başladığı artıq müəyyən edilib.