Antalyada hoteldə yanğın olub, qonaqlar təxliyə edilib

Türkiyənin Antalya vilayətinin Kəmər rayonunda hoteldə yanğın baş verib, orada istirahət edənlərin hamısı obyektdən çıxarılıb.

“Report” xəbər verir ki, bu barədə Türkiyənin NTV telekanalı məlumat yayıb.

Məlumata görə, yanğın Kemerin Beldibi bölgəsindəki bir hoteldə baş verib.

Mənbənin sözlərinə görə, yanğın siqnalından sonra əraziyə yanğınsöndürmə briqadaları cəlb edilib.

Türkiyənin “Demirören” agentliyinin yerli hakimiyyət nümayəndələrinə istinadən verdiyi məlumata əsasən, yanğın zamanı xəsarət alan olmayıb.