Amerikalı hərbçilərə “TikTok”dan istifadə qadağan edilib

ABŞ Hərbi Dəniz Qüvvələrinin (HDQ) hərbçilərinə kiber təhlükəsizlik səbəbindən hökumət tərəfindən verilən telefonlarda “TikTok” tətbiqetməsini istifadə etmək qadağan edilib.

“Report” xəbər verir ki, bu barədə “Global News” məlumat yayıb.

Qeyd olunub ki, iş telefonu istifadəçiləri “TikTok” tətbiqini cihazdan silməlidir. Bu tələbi yerinə yetirməyən hərbçilər HDQ-nın intranetində və Dəniz Korpusunda (Navy Marine Corps İntranet) bloklanacaqlar.