Almaniyada silahlı hücum zamanı bir neçə nəfər yaralanıb

Almaniyanın Solingen şəhərində bıçaqlı hücum nəticəsində bir neçə nəfər yaralanıb.

"Report" xəbər verir ki, bu barədə "Bild" qəzeti məlumat yayıb.

Nəşrin məlumatına görə, polis şəhərin mərkəzində genişmiqyaslı əməliyyat keçirir. Əvvəlcə hüquq-mühafizə orqanları polisin gücləndirilmiş iştirakının səbəblərini açıqlamırdı, lakin sonra məsələnin bıçaqlı hücumla bağlı olduğu məlum olub.

Hadisə yerində təcili xidmət fəaliyyət göstərir. Cinayət aləti orada aşkar edilib.

"Bild"in məlumatına görə, bir nəfər saxlanılıb. Hadisənin təfərrüatları qeyri-müəyyən olaraq qalır, istintaq davam edir, əməliyyata çoxsaylı polis bölmələri cəlb olunub.