Almaniyada qaçqın sığınacağında yanğın zamanı onlarla insan xəsarət alıb

Almaniyada qaçqın sığınacağında güclü yanğın zamanı azı 20 nəfər xəsarət alıb.

“Report” xəbər verir ki, bu barədə “Tagesschau” portalı məlumat yayıb.

"Voqelzanqda (Şimali Reyn-Vestfaliya federal əyaləti - red.) mərkəzi qaçqın sığınacağında iri miqyaslı yanğında 20 nəfər xəsarət alıb. Binaya ciddi ziyan dəyib. Yanğının səbəbi məlum deyil", - xəbərdə bildirilir.

Məlumata görə, müəssisədə ümumilikdə 380 nəfər, alovlanan binada isə 18 nəfər yaşayıb. Xəsarət alanlardan 10-u xəstəxanalara çatdırılıb.

Bina yanğın nəticəsində kül olub. Qeyd edilir ki, iki qonşu bina da yaşayış üçün yararsız hala düşüb.