Almaniyada bazar şübhəli çamadana görə mühasirəyə alınıb

Almaniyanın qərbində yerləşən Kölndə polis (Şimali Reyn-Vestfaliya) Milad bazarının ərazisini şübhəli çamadana görə mühasirəyə alıb.

"Report"un məlumatına görə, bu barədə "Bild" qəzeti yazıb.

"Biz böyük ərazini mühasirəyə almışıq və indi federal ərazinin Kriminal Polis İdarəsindən partlayıcı qurğunun zərərsizləşdirilməsi üzrə eksperti gözləyirik", - hüquq-mühafizə orqanının rəsmisi “Bild”ə bildirib.

Yarmarkanın yerli vaxtla saat 22:00-da bağlanması nəzərdə tutulsa da, mövcud vəziyyətə görə bir qədər tez bağlanıb. Alıcı və satıcılardan bazar ərazisini tərk etmələri tələb olunub.

Nəşr hələlik əlavə təfərrüatları açıqlamayıb.