Aİ-nin xüsusi nümayəndəsi Kosovo üzrə nizamlama planının artıq qəbul edildiyini bildirib

Avropa İttifaqının (Aİ) Kosovo və Serbiya arasında nizamlanma təklifi Belqrad və Priştina tərəfindən qəbul edilib və dərc edilib. Onun həyata keçirilməsi proqramını təsdiqləmək qalır.

“Report” xarici KİV-ə istinadən xəbər verir ki, bu barədə Aİ-nin dialoq üzrə xüsusi nümayəndəsi Miroslav Layçak bildirib.

Aİ-nin xüsusi nümayəndəsi bazar ertəsi və çərşənbə axşamı Belqradda səfərdədir və burada Prezident Aleksandar Vuçiç və müxalifət də daxil olmaqla parlamentdəki partiyaların nümayəndələri ilə görüşüb. Söhbət martın 18-də Şimali Makedoniyada Vuçiçlə Kosovonun Baş naziri Albin Kurti arasında Aİ diplomatı Josep Borrel və Layçakın iştirakı ilə keçiriləcək danışıqlardan gedib.