Aİ-nin XİN başçıları Ukraynaya dəstəyin gücləndirilməsi ilə bağlı razılığa gəliblər

Avropa İttifaqının 27 ölkəsinin xarici işlər nazirləri Ukraynaya dəstəyin gücləndirilməsinin zəruriliyi ilə bağlı razılığa gəliblər.

"Report" xəbər verir ki, bunu Avropa İttifaqının (Aİ) xarici siyasət və təhlükəsizlik məsələləri üzrə ali nümayəndəsi Jozep Borrell Brüsseldə keçirilən iclasının yekunlarına dair mətbuat konfransında deyib.

"Nazirlər razılaşdılar ki, hazırda dəstəyi zəiflətməyin vaxtı deyil, əksinə Ukraynanın özünü qorumaq üçün lazım olan hər şeyi etmək vaxtıdır", - Borel bildirib.