Afinada qatarların üzərinə qraffiti çəkən ABŞ vətəndaşları tutulub

Bakı. 1 fevral. REPORT.AZ/ Yunanıstanın paytaxtı Afinada qatar vaqonlarının üzərinə qraffiti çəkdiklərinə görə 3-ü ABŞ vətəndaşı olmaqla 8 nəfər saxlanılıb.

"Report" xəbər verir ki, bu barədə "Katimerini" qəzeti yazıb.

Çoxmillətli "rəssamlar" komandası iş üstündə yaxalanıb. Saxlanılan amerikalılar 35-39 yaş aralığındadırlar. Digər 5 nəfər isə 13-14 yaşlı yeniyetmə yunanlardır. Onlar Pirey limanı yaxınlığında qatarın üzərinə şəkil çəkən zaman tutulublar. "Rəssamlar"ı təhlükəsizlik xidmətinin əməkdaşı görüb və hadisə yerinə polis çağırıb. Onlara qarşı cinayət işi açılıb.