ABŞ Venesuelaya qarşı sanksiyalarını sərtləşdirib

Bakı. 15 fevral. REPORT.AZ/ ABŞ hökuməti Venesuelaya qarşı sanksiya siyahısına bu ölkənin daha 5 vətəndaşının adlarını əlavə edib.

“Report” “Reuters”ə istinadən xəbər verir ki, bu barədə ABŞ-ın Maliyyə Nazirliyi məlumat yayıb. 

Həmin şəxslər arasında “Petroleos de Venezuela” (PDVSA) dövlət neft-qaz şirkətinin rəhbəri Manuel Quevedo, Xüsusi Təyinatlı Milli Bolivariana Polisinin (FAES – Força de Açao Especial da Policia Nacional Bolivariana) rəhbəri Rafael Bastardo, habelə kəşfiyyat idarəsinin 3 nəfər yüksək rütbəli nümayəndəsi var.