ABŞ və Ukrayna kəşfiyyat məlumatlarının mübadiləsi sahəsində əməkdaşlığı genişləndirəcək

ABŞ və Ukrayna kəşfiyyat məlumatlarının mübadiləsini və bu sahədə əməkdaşlığı artırmaq barədə razılığa gəliblər.

“Report” xəbər verir ki, bu barədə Ağ Evin mətbuat xidmətinin yaydığı ikitərəfli təhlükəsizlik sazişinin mətnində deyilir.

Qeyd olunub ki, hər iki tərəf kəşfiyyat məlumatların düzgün mübadiləsini və kəşfiyyat agentlikləri arasında genişləndirilmiş əməkdaşlığı təşviq etmək barədə razılığa gəliblər.

Sənədə əsasən ABŞ Ukrayna kəşfiyyat xidmətlərinin potensialının artırılmasına da kömək etmək niyyətindədir.