ABŞ ordusu Hörmüz boğazında bir gəmini sıradan çıxarıb

ABŞ hərbçiləri Hörmüz boğazında 7 kommersiya gəmisinin istiqamətini dəyişib, 1-ni isə sıradan çıxarıb.

"Report" xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTCOM) məlumat yayıb.

"ABŞ hərbçiləri İranın dəniz blokadası çərçivəsində "USS Boxer" desant gəmisinin göyərtəsindən Ərəb dənizində gecə-gündüz uçuşları dəstəkləyirlər", - məlumatda bildirilib.

Xatırladaq ki, ABŞ iyulun 15-i gecə saatlarında Hörmüz boğazı bölgəsində İran limanlarının blokadasını bərpa edib. Əvvəlki blokada aprelin 13-dən iyunun 18-dək olan dövrdə qeydə alınıb. İki aylıq müddət ərzində CENTCOM qüvvələri 140-dan çox gəminin istiqamətini dəyişib, 9-nu isə sıradan çıxarıb.