ABŞ-nin Spokan şəhərində etirazda 30-dan çox şəxs saxlanılıb - YENİLƏNİB

Spokan şəhərində (Vaşinqton ştatı) ABŞ hökumətinin miqrasiya siyasətinə qarşı etirazlardan sonra 30-dan çox şəxs saxlanılıb.

"Report" xəbər verir ki, bu barədə CNN telekanalı şəhərin polis rəisi Kevin Holla istinadən məlumat yayıb.

O, etiraz aksiyasının dağıdılması zamanı hüquq-mühafizə orqanlarının gözyaşardıcı qaz və rezin güllələrdən istifadə etməsi barədə məlumatları təkzib edib.

09:27

Spokanın (Vaşinqton ştatı) bir rayonunda komendant saatı tətbiq edilib.

"Report" xəbər verir ki, bu barədə “ABC News” məlumat yayıb.

Bildirilib ki, komendant saatı şəhərin Miqrasiya və Gömrük Xidməti binası yaxınlığında keçirilən etirazlara cavabdır.

Spokan meri Liza Braun iyunun 12-də axşam saat 09:30-dan səhər 05:00-a qədər komendant saatı tətbiq edib.