ABŞ İranın dolayı nüvə danışıqları təklifini nəzərdən keçirir

Ağ Ev İranın nüvə məsələsi ilə bağlı dolayı danışıqların aparılması təklifini ciddi şəkildə nəzərdən keçirir.

“Report” xəbər verir ki, bu barədə “Axios” portalı mənbələrə istinadən məlumat yayıb.

"Ağ Ev İranın dolayı nüvə danışıqları təklifini ciddi şəkildə nəzərdən keçirir", - məlumatda qeyd olunub.

Daha əvvəl İranın xarici işlər naziri Abbas Əraqçi bildirmişdi ki, ölkə təzyiq və hərbi təhdidlər şəraitində ABŞ ilə yalnız dolayı danışıqlara razıdır.

Mart ayının əvvəlində ABŞ Prezidenti Donald Tramp İranın ali lideri Əli Xameneiyə İranın nüvə proqramı məsələsi ilə bağlı Tehranla sazişin bağlanması təklifinin yer aldığı məktub göndərdiyini açıqlayıb.