ABŞ dövlət katibi ilə Rusiya XİN başçısı arasında Helsinkidə görüş keçirilir

Bakı. 16 iyul. REPORT.AZ/ Rusiyanın xarici işlər naziri Sergey Lavrov və ABŞ dövlət katibi Maykl Pompeo bu dəqiqələrdə Finlandiya paytaxtında danışıqlar aparırlar.

Bu barədə "Report" TASS-a istinadən xəbər verir.

Xarici siyasət qurumlarının rəhbərlərinin görüşü ölkə prezidentləri Vladimir Putin və Donald Trampın sammiti ilə paralel olaraq keçirilir.

Qeyd edək ki, bu, M.Pompeonun dövlət katibi vəzifəsinə təyin olunmasından sonra S.Lavrovla ilk şəxsi görüşüdür. Buna qədər nazirlər bir neçə dəfə telefonla danışıblar.