ABŞ-də qasırğa nəticəsində 27 nəfər ölüb

ABŞ-nin mərkəzi hissəsində qasırğa nəticəsində azı 27 nəfər ölüb.

“Report” xəbər verir ki, bu barədə “The New York Times” məlumat yayıb.

Məlumata görə, ölənlərin 25-i Missuri və Kentukki ştatlarının payına düşür.

Nəşrin məlumatına görə, bir sıra ştatlarda binalar dağılıb.

Qasırğanın gələn həftənin əvvəlinə qədər davam edəcəyi proqnozlaşdırılır.