ABŞ-də məktəbdə atışmada ölənlərin sayı 4-ə yüksəlib, 30 nəfər yaralanıb - YENİLƏNİB

ABŞ-nin Corciya ştatında məktəbdə atışma nəticəsində azı 4 nəfər ölüb.

“Report” xəbər verir ki, bu barədə CNN məlumat yayıb.

Bununla yanaşı, 30-a yaxın adam yaralanıb.

Telekanalın məlumatına görə, Barrou qraflığında bütün məktəblər müvəqqəti bağlanıb, təhlükəsizlik məqsədilə oraya polis əməkdaşları göndərilib.

ABŞ-nin Corciya ştatının Uinder şəhərində məktəbdə atışma baş verib, iki nəfər həlak olub.

"Report" xəbər verir ki, bu barədə MSNBC telekanalı məlumat yayıb.

Məlumata görə, azı dörd nəfər xəsarət alıb.

Polis şübhəli şəxsi saxlayıb.

Hadisə yerində 5 təcili tibbi yardım maşınının olduğu, zərərçəkənlərdən birinin helikopterlə xəstəxanaya yerləşdirildiyi qeyd edilir.