ABŞ-da koronavirusdan ölənlərin sayı 190 min nəfəri ötdü

ABŞ-da son sutka ərzində daha 34 256 nəfərdə yeni növ koronavirusa yoluxma halı aşkar edilib.

“Report” “RİA Novosti”yə istinadən xəbər verir ki, bu barədə federal və yerli hökumət orqanlarının, habelə medianın və digər açıq mənbələrin məlumatlarını ümumiləşdirən Cons Hopkins Universiteti məlumat verib.

Son gün ərzində həmçinin 1 206 COVID-19 xəstəsi ölüb.

Bununla da ABŞ-da epidemiyanın başlanğıcından bəri 6 363 276 nəfər koronavirusa yoluxub, ölənlərin sayı isə 190 mini keçib – 190 873 nəfər. Eyni zamanda 2,3 milyon pasiyent virusdan sağalıb.