ABŞ-da F-35 qırıcısı qəzaya uğrayıb

ABŞ-ın Yuta ştatında beşinci nəsil “F-35” qırıcısı qəzaya uğrayıb.

“Report” xəbər verir ki, bu barədə ABŞ Hərbi Hava Qüvvələrinin 388-ci aviasiya bölməsinin tviter səhifəsində məlumat verilib.

Qeyd olunub ki, qəza Hill aviabazasının eniş zolağının şimal ucunda baş verib. Pilot hadisə zamanı katapult mexanizmindən istifadə edib.

Xilasedicilər hadisə yerinə cəlb edilib. Qırıcının qəzaya uğramasının səbəbləri barədə məlumat verilmir.