Bakı. 14 aprel. REPORT.AZ/ ABŞ-ın 20-dən çox sığorta şirkəti 2001-ci ilin 11 sentyabr terror hücumu ilə əlaqədar Səudiyyə Ərəbistanının iki bankına, eləcə də şirkətlərinə və bir neçə xeyriyyə təşkilatlarına ümumi dəyəri 4,2 milyard dollar olan iddia qaldırıb.
"Report" RBK-yə istinadən xəbər verir ki, ABŞ-ın sığorta şirkətləri Səudiyyə Ərəbistanı banklarının və şirkətlərinin "Əl-Qaidə" terror qruplaşmasının keçmiş lideri Usamə bin Ladenin ailəsinə bağlı olduğunu iddia edir.
Bu təşkilatlar terror aktına yardım etməkdə ittiham olunur. "Bu şirkətlərin köməyi olmadan "Əl-Qaidə" yaraqlıları terror hücumunu planlaşdırıb həyata keçirə bilməzdi" - iddianamədə yazılıb.
Qeyd edək ki, bu ilin mart ayında aralarında 11 sentyabr terror hücumu zamanı zərər çəkmişlər və yaxınlarının da olduğu təxminən 800 nəfər Səudiyyə Ərəbistanına qarşı kollektiv iddia qaldırıb.