Yuxarı

Şotlandiyada Azərbaycan mədəniyyət gecəsi keçiriləcək

Tədbirdə Azərbaycan milli mətbəxinin təamları, milli rəqsləri və musiqiləri təqdim olunacaq

Bakı. 17 aprel.REPORT.AZ/Şotlandiyada fəaliyyət göstərən Azərbaycan diasporası ölkənin təşviq edilməsi və Ermənistan-Azərbaycan münaqişəsi ilə bağlı məlumatların yayılmasını istiqamətində tədbirlər keçirməklə işini davam etdirir.

Şotlandiyanın Qlazqo Universitetində fəaliyyət göstərən Azərbaycan Cəmiyyətindən “Report”-a verilən məlumata görə, Qarabağda son hadisələrlə bağlı Şotlandiyada yaşayan azərbaycanlılar Ermənistanın etdiyi hərəkətlərə etiraz və Azərbaycan ordusuna dəstək olaraq Qlazqonun mərkəzində aksiya keçiriblər və şəhər sakinlərə münaqişə ilə bağlı düzgün məlumatlar çatdırıblar.

Bundan başqa, mayın 28-də, Republika Günündə, Azərbaycanın Böyük Britaniyadakı səfirliyinin dəstəyi və təşkilatçılığı ilə Azərbaycan mədəniyyət gecəsi keçiriləcək.

Müxtəlif ölkələrdən tələbələrin iştirak etdikləri gecədə Azərbaycanın son illərdəki sürətli inkişafından bəhs edilib, ölkəmizin infrastrukturu, turizm imkanları, və respublikamızda keçirilməsi planlaşdırılan digər beynəlxalq idman tədbirləri haqqında məlumat veriləcək.

Tədbirdə Azərbaycan milli mətbəxinin təamları, milli rəqsləri və musiqiləri təqdim olunacaq. Qeyd olunmalıdır ki, 2015-ci ildə Qlazqoda keçirilən tədbirdə 250-yə yaxın insan iştirak edib və yerli əhalidə Azərbaycan mədəniyyətinə böyük marağ doğurub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi