Gəncədə 400-ə yaxın şəxs polis orqanlarında xidmətə qəbulun növbəti mərhələsinə buraxılıb

Gəncə şəhərində polis orqanlarında sıravi və kiçik rəis heyətinə xidmətə qəbulla bağlı şərtlərə uyğun gələn 394 nəfər seçim turunun növbəti mərhələsinə buraxılıb.

"Report" xəbər veriri ki, bu barədə Azərbaycanın daxili işlər naziri general-polkovnik Vilayət Eyvazovun sentyabrın 22-də Gəncə Şəhər Baş Polis İdarəsində keçirdiyi sıra baxışı zamanı bildirilib.

Məlumata görə, sıra baxışında ətraf rayonlarda yaşayan, polis orqanlarında xidmət etmək arzusunda olan gənclər iştirak edib. Seçim turunun növbəti mərhələsinə buraxılanlardan 68-i Vətən müharibəsi iştirakçısı, 2-si isə şəhid ailələrinin üzvləri olublar.