Serbiyalı müşahidəçi: Seçkilər demokratik standartlara uyğun keçirilib

Azərbaycanda parlament seçkilərini müşahidə edən Serbiya parlamentinin üzvü Jivota Starteviç səsvermə günü bir neçə məntəqədə olduqlarını və seçkilərin demokratik standartlara uyğun keçirildiyini deyib.

"Report"un məlumatına görə, o bildirib ki, seçki prosesinə mane olan heç bir şeyə rast gəlinmədi:

"Proses sülh şəraitində oldu. Bizim müşahidə apardığımız məntəqələrdə heç bir qanunsuzluq olmadı. Mərkəzi Seçki Komissiyasının peşəkarlığı nəticəsində hər şey yüksək səviyyədə oldu. Mən istədiyim yoxlamaları apara bildim. Bu, demokratik şəraitin növbəti təzahürüdür".

Müşahidəçi söyləyib ki, məntəqə işçiləri peşəkarlıqla çalışırdılar: "Bu, göstərir ki, onlar lazımi təlimləri keçmişdilər".