Qubada "Media şəhidləri" parkı istifadəyə verilib

Quba rayonunda Birinci və İkinci Qarabağ müharibəsində şəhid olan jurnalistlərin xatirəsinə salınan parkın açılışı olub.

"Report"un Şimal bürosunun verdiyi məlumata görə, şəhərin mərkəzindəki Yusif Qasımov küçəsində salınan parkın açılışında Quba Rayon İcra Hakimiyyətinin başçısı Ziyəddin Əliyev, hüquq-mühafizə orqanlarının rəhbərləri, jurnalistlər və ictimaiyyət nümayəndələri iştirak ediblər.

Tədbirdə şəhidlərin xatirəsi bir dəqiqəlik sükutla yad edilib.

Daha sonra şəhidlərin xatirəsinə salınan parkın tikintisi təşəbbüsü barədə danışılıb.