Oğuzda Bayraq yürüşü keçirilib

Oğuz rayonunda Bayraq yürüşü təşkil edilib.

"Report"un Şimal-qərb bürosunun məlumatına görə, yürüş 9 Noyabr - Bayraq Gününə həsr olunub.

300-ə yaxın şagirdin iştirakı ilə başlayan yürüş Oğuz şəhərinin küçə və prospektlərində davam edib.

Yürüşə həsr olunan tədbirdə rayon rəsmiləri, şəhid ailələrinin üzvləri, qazilər və ictimaiyyət nümayəndələri iştirak ediblər.

Yürüşün keçirilməsində məqsəd əlamətdar günü qeyd etmək və şagirdlərin vətənpərvərlik ruhunda yetişmələrinə töhfə vermək olub.