Yuxarı
    Bağlamaq

    ​Milli Məclis siyasi partiyalara MSK-da təmsil olunacaq üzvlərinin müəyyənləşdirilməsi üçün müraciət edib

    Məsələ parlamentin aprelin 15-də keçiriləcək plenar iclasında müzakirəyə çıxarılacaq

    Bakı. 8 aprel. REPORT.AZ/ Milli Məclis siyasi partiyalara Mərkəzi Seçki Komissiyasında (MSK) təmsil olunacaq üzvlərinin müəyyənləşdirilməsi üçün müraciət edib.

    "Report"un xəbərinə görə, partiyalar, habelə bitərəf deputatlar MSK-da təmsil olunacaq üzvlərini müəyyənləşdirdikdən sonra təkliflər siyahısını Milli Məclisə təqdim edəcəklər.

    Məsələ Milli Məclisin aprelin 15-də keçiriləcək plenar iclasında müzakirəyə çıxarılacaq.

    Qeyd edək ki, MSK-nın hazırkı tərkibi 2010-cu ildə keçirilən parlament seçkilərindən sonra formalaşdırılıb, tərkibi 18 üzvdən ibarətdir. Komissiya üzvlərini Milli Məclisdə təmsil olunan siyasi partiyaların və bitərəf deputatların irəli sürdüyü namizədlər əsasında Milli Məclis təsdiqləyir.

    MSK-nın hazırkı tərkibinə Məzahir Pənahov (sədr), Natiq Məmmədov (sədr müavini), Arifə Muxtarova (katib), Mikayıl Rəhimov (katib), üzvlər Şaitdin Əliyev, Fuad Cavadov, Ramiz İbrahimov, Validə Kazımova, Qabil Orucov, Tofiq Həsənov, İlham Məmmədov, Nizami Nadirov, Azər Tağıyev, Tamam Cəfərov, Bəxşeyiş Əsgərov, Almas Qəhrəmanlı, Akif Qurbanov və Etibar Quliyev daxildir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi