Biləsuvarda məntəqə seçki komissiyaları üzvləri üçün treninqlər keçirilir 

Milli Məclisə növbədənkənar seçkilərlə əlaqədar maarifləndirici treninqlər davam edir.

"Report"un Muğan bürosunun məlumatına görə, 69 saylı Biləsuvar seçki dairəsinin şəhər və kənd məntəqə seçki komissiyalarının üzvləri üçün treninqlər təşkil olunub.

Təlimlər gün ərzində iki dəfə olmaqla məntəqə seçki komissiyası üzvlərinin iştirakı ilə keçirilir.

Treninqlərdə səsvermə günü məntəqə seçki komissiyaları üzvlərinin vəzifələri, seçki günü prosedurları və müstəsna hallar, səsvermə məntəqəsinin açılması, seçki qutularının hazırlanması, səslərin hesablanması, seçki bülletenlərinin təsnifatı və yekun protokolun doldurulması və digər məsələlər barədə məlumat verilib.