Bakıda doğulan dördəmlərin qeydiyyatı ilə bağlı təntənəli mərasim keçirilib

Bakıda doğulan dördəmlərin doğum qeydiyyatı ilə bağlı təntənəli mərasim keçirilib.

"Report" xəbər verir ki, Ədliyyə Nazirliyinin təşkilatçılığı ilə keçirilən mərasim Yasamal rayon Heydər Əliyev Mərkəzində baş tutub.

Bildirilib ki, Maştağada yaşayan Məmmədovlar ailəsində martın 31-də dördəm dünyaya gəlib. Ailə övladlarına Azərbaycan Prezidenti İlham Əliyevin, birinci xanım Mehriban Əliyevanın, Türkiyə Prezidenti Rəcəb Tayyib Ərdoğanın şərəfinə və Ümummilli Lider Heydər Əliyevin xatirəsinə İlham, Mehriban, Ərdoğan və Heydər adlarını verib.

Qeyd edək ki, uşaqlar Respublika Perinatal Mərkəzində dünyaya gəliblər. 8 ildir ailəli olan 32 yaşlı Murad və 30 yaşlı Aygülün 7 yaşlı Ayan adlı bir qızları da var.