Səfir: "Fransa Qarabağ münaqişəsinin danışıqlar yolu ilə həllinə ümid edir"

Bakı. 18 oktyabr. REPORT.AZ/ “Fransanın Dağlıq Qarabağ münaqişəsinin tənzimlənməsi ilə bağlı mövqeyi dəyişməzdir”.

“Report” Ermənistan KİV-inə istinadən xəbər verir ki, bunu Fransanın Yerevandakı səfiri Conatan Lakott ABŞ-ın Ermənistanda fəaliyyətini bu günlərdə başa vuran səfiri Riçard Millsin bəyanatına münasibət bildirərkən deyib.

“Biz insan ölümündən kədərlənirik və münaqişənin ATƏT-in Minsk qrupu formatında danışıqlar yolu ilə həllinə ümid edirik”, - səfir vurğulayıb.

Qeyd edək ki, Riçard Mills Ermənistanın işğal altında olan Azərbaycan topraqlarından çıxmasını bildirmişdi.