Elmar Məmmədyarov: "Həmsədrlər gələn həftə regiona səfərə gələcəklər"

Bakı. 25 oktyabr. REPORT.AZ/ "ATƏT-in Minsk qrupunun həmsədrləri gələn həftə regiona səfərə gələcəklər".

"Report"un məlumatına görə, bunu xarici işlər naziri Elmar Məmmədyarov jurnalistlərə açıqlamasında deyib.

O qeyd edib ki, Ermənistan və Azərbaycan xarici işlər nazirlərinin bu ilin sonuna qədər daha bir görüşünün keçirilməsi nəzərdə tutulub: "Görüşün tarixi və yeri barədə dəqiq məlumat yoxdur. Həmsədrlərin regiona səfəri zamanı bu barədə müzakirə aparılacaq".