Samir Rzayev: "Neftayırma zavodlarını LCAF istehsalına transformasiya etmək lazımdır"

Neftayırma zavodlarını bağlamaq əvəzinə onları aşağı karbonlu aviasiya yanacağı (LCAF) istehsalı üçün transformasiya etmək lazımdır.

"Report" xəbər verir ki, bunu “Azərbaycan Hava Yolları” QSC-nin (AZAL) prezindeti Samir Rzayev COP29 çərçivəsində təşkil olunmuş “Beynəlxalq Aviasiya və iqlim dəyişikliyi" mövzusunda yüksək səviyyəli panel müzakirələrində bildirib.

"2023-dən 2050-ci ilə qədər aviasiya üçün gündəlik 7 milyon barel yanacaq tələb olunduğundan danışırıq. Əgər bunu LCAF-yə çevirsək, bu, gündəlik 1 milyon barel dayanıqlı aviasiya yanacağının (SAF) tətbiqinə bərabər olacaq. Hazırda biz proqnoz olaraq yalnız 600 min barel SAF-dan danışırıq. Əməkdaşlığın bir hissəsi kimi LCAF-a əhəmiyyətli diqqət yetirməliyik", - o vurğulayıb.