Erlan Nısanbayev: Türk dövlətləri iqlim məsələlərində yaxşı qarşılıqlı əlaqələr qurublar

Türk Dövlətləri Təşkilatı (TDT) ölkələri iqlim dəyişikliyi ilə mübarizədə əməkdaşlığı inkişaf etdirməyə davam edir.

Bu barədə “Report”un sualını cavablandıran Qazaxıstanın ekologiya naziri Erlan Nısanbayev bildirib.

Onun sözlərinə görə, müstəqillik əldə etdikdən sonra türk ölkələri əməkdaşlığı daha da möhkəmləndiriblər və bütün sahələrdə, o cümlədən iqlim məsələlərində yaxşı qarşılıqlı əlaqələr qurublar.

"Ötən gün biz ətraf mühitin qorunması sahəsində əməkdaşlıq haqqında memorandum imzaladıq. Bu, təkcə əməkdaşlığın daha da inkişafına töhfə vermir, eyni zamanda ekologiyanın qorunması məsələsində yeni perspektivlər açır", - o vurğulayıb.