COP28-in baş danışıqçısı: Qlobal biomüxtəlifliyin itkisi ilə birlikdə mübarizə aparılmalıdır

COP28-in baş danışıqçısı Hana Əl-Həşimi biomüxtəlifliyin qlobal azalması ilə mübarizə üçün COP29-un sədrliyi altında vahid səy göstərilməsinə çağırıb.

“Report” xəbər verir ki, bu barədə Əl-Həşimi “Bakıdan Belenə: Paris Sazişinin 6.8-ci maddəsi kontekstində kompleks və dayanıqlı meşə idarəçiliyi üçün Amazon Regional Mexanizminin təsirinin birgə azaldılması və adaptasiya” adlı tədbirdə bildirib.

“İqlim dayanıqlığına nail olmağın əsas elementi kimi qlobal biomüxtəlifliyin itkisi ilə qəti şəkildə mübarizə aparmaq üçün COP29-un sədrliyinin tələb etdiyi kimi, həmrəylik bayrağı altında birləşməliyik. Biz qəti şəkildə uğur qazanmaq niyyətindəyik və burada - Bakıda və Belendə (2025-ci ildə) hədəflərimizə nail olmaq üçün fəal işləyirik”, - o deyib.