Yapon iş adamları işğaldan azad edilmiş ərazilərə pul qoymağa dəvət edilib

İqtisadiyyat Nazirliyi yanında Kiçik və Orta Biznesin İnkişafı Agentliyi (KOBİA) Yaponiyadan olan iş adamlarını işğaldan azad edilmiş ərazilərə investisiya yatırmağa dəvət edir.

“Report” xəbər verir ki, bunu Bakıda keçirilən, Azərbaycan və Yaponiyanı turizm və iqtisadi sahədə birləşdirən Biznes Forumunda KOBİA-nın İdarə Heyətinin sədr müavini Samir Hümbətov bildirib.

Onun sözlərinə görə, təmsil etdiyi qurum Azərbaycanla Yaponiya arasında biznes əlaqələrinin inkişafını dəstəkləyir: “İki ölkə arasında əlaqələr dedikdə təbii ki, ilk olaraq turizm xatırlanır. KOBİA olaraq biz turizm əlaqələrinin inkişafı üçün çalışan sahibkarlıq subyektlərini dəstəkləməyə hazırıq”.