Sara Maykl: "Azərbaycan iqtisadiyyatının şaxələndirilməsi onu yüksək gəlirli ölkə edəcək"

Azərbaycan iqtisadiyyatının şaxələndirilməsi onu yüksək gəlirli ölkələr sırasına çıxaracaq.

"Report" xəbər verir ki, bunu Dünya Bankının Azərbaycan üzrə ölkə meneceri Sara Maykl təmsil etdiyi qurumun "Qlobal İqtisadi Perspektivlər" hesabatının təqdimatında, "Qlobal və iqtisadi yavaşlamanın Azərbaycana təsiri" adlı panel müzakirələrdə bildirib.

“Əgər Azərbaycan iqtisadiyyatın neftdən asılılığını azaltmasa o zaman 2050-ci ildə də aşağı gəlirli ölkələr sırasında olacaq. Amma ölkədə islahatlar davam etdirilsə və iqtisadiyyatın neft sektorundan asılılığı azaldılsa, 30 ildən sonra adambaşına düşən ÜDM indikindən azı 40 % çox ola bilər”, - deyə o qeyd edib.