Naxçıvan sahibkarları 10 ayda 14 beynəlxalq tədbirdə iştirak edib

Bu ilin yanvar–oktyabr aylarında Naxçıvan Muxtar Respublikasının sahibkarları ixrac imkanlarını genişləndirmək və yerli məhsulların tanıdılmasını təmin etmək məqsədilə 14 beynəlxalq tədbirdə iştirak edib.

"Report"un yerli bürosu xəbər verir ki, bunların 7-si biznes-forum, 6-sı sərgi, 1-i konfrans olub.

Bu tədbirlərdə meyvə şirələri, peçenye, vafli, tütün məmulatları, panel radiator, mebel, sement, daş, əhəng, gips, elektrod, sintetik əsaslı boyalar və uşaq bezi kimi 35-dən çox yerli məhsul nümayiş etdirilib.