Mikayıl Cabbarov: "Azərbaycanla Türkmənistan arasında ticarət dövriyyəsi son 2 ildə 10 dəfə artıb"

Bu ilin yanvar-oktyabr aylarında Azərbaycan və Türkmənistan arasında ticarət dövriyyəsi 2022-ci ilin müvafiq dövrü ilə müqayisədə 88 %-dən çox, son 2 ildə isə təxminən 10 dəfə artıb.

"Report" xəbər verir ki, bunu iqtisadiyyat naziri Mikayıl Cabbarov “X” sosial şəbəkəsindəki hesabında yazıb.

Nazir qeyd edib ki, ticarət əlaqələrinin təşviqi müsbət nəticələr verir: "Türkmənistan-Azərbaycan biznes forumunda ölkələrimizin işgüzar dairələrini bu dinamikanın dayanıqlı olmasına töhfə verməyə, qarşılıqlı investisiya layihələrini dəyərləndirməyə və fəal əməkdaşlığa dəvət etdik".