Dünya Bankının sahibkarlar arasında keçirdiyi sorğunun nəticələri oktyabrda açıqlanacaq

Dünya Bankının sahibkarlar arasında keçirdiyi sorğunun cavabı ilə bağlı hesabatın bu ilin oktyabr ayında dərc edilməsi gözlənilir.

"Report" xəbər verir ki, bunu Prezident Administrasiyasının (PA) İqtisadi siyasət və sənaye məsələləri şöbəsinin sektor müdiri Vüsal Şıxəliyev "Biznesin müflisləşməsi" işçi qrupunun iclasında bildirib.

O qeyd edib ki, sorğu ötən ilin dekabr ayında keçirilib.

"Sorğuda iştirak edən özəl sektordan xahiş edirəm ki, öz təcrübələrini, fikirlərini bizimlə bölüşsünlər. Cavablara ehtiyac yoxdur, sadəcə onların məsələyə baxışı maraqlıdır ki, bu sahədə daha hansı addımlar atıla bilər", - deyə PA rəsmisi qeyd edib.