DTİK: Azərbaycan və Türkiyə ticarət dövriyyəsinə dair hədəfə 50 % nail olub

2023-cü ildə Azərbaycanla Türkiyə arasında ticarət dövriyyəsinin dəyəri 7,5 milyard ABŞ dolları olub ki, bu da iki ölkənin müəyyən etdiyi 15 milyard dollarlıq hədəfə 50 % nail olmaq deməkdir.

"Report" xəbər verir ki, bunu Dünya Türk Biznes Şurasının (DTİK) Azərbaycan üzrə nümayəndəsi Barış Altıparmak Türkiyə Səfirliyinin ev sahibliyi ilə qurumun Avrasiya Nümayəndələr Şurasının Bakı görüşündə bildirib.

"Bu il də ticarətimizdə artım olacağını proqnozlaşdırırıq. Hədəfimiz böyükdür və görüləcək çox işlər var. Azərbaycan iqtisadiyyatının canlanmasında investorların rolu danılmazdır. Azad iqtisadi zonalarda, sənaye və texnologiya parklarında investorlara təqdim edilən imkanlar mühüm əhəmiyyət daşıyır", - deyə o qeyd edib.