Dövlət Vergi Xidməti yerləşdiyi inzibati binaya daha 18 mln manat xərc çəkəcək

İqtisadiyyat Nazirliyi yanında Dövlət Vergi Xidməti yerləşdiyi inzibati binada tikinti-quraşdırma və tamamlama işlərinin yerinə yetirilməsi, material və avadanlıqların alınması ilə bağlı elan etdiyi açıq tenderə yekun vurub.

"Report" vahid dövlət satınalmaları portalına istinadən xəbər verir ki, tenderin qalibi Türkiyənin "Tekfen İnşaat ve Tesisat" Anonim Şirkətidir.

Ona 17,822 mln manat ödəniləcək.

Xatırladaq ki, Dövlət Vergi Xidmətinin də yerləşdiyi İqtisadiyyat Naziriliyinin bu ilin may ayında istifadəyə verilmiş inzibati binasının da inşasını "Tekfen İnşaat ve Tesisat" həyata keçirib.