Bu il Naxçıvanın xarici ticarət dövriyyəsi 16 %-dən çox azalıb

Bu ilin yanvar-noyabr aylarında Naxçıvan Muxtar Respublikasının xarici ticarət dövriyyəsi 114 milyon 909 min 420 ABŞ dolları təşkil edib.

Bu barədə Muxtar Respublikanın Dövlət Statistika Komitəsindən "Report"un yerli bürosuna məlumat verilib.

Bildirilib ki, 2023-cü ilin yanvar-noyabr ayları ilə müqayisədə xarici ticarət dövriyyəsi 16,3 % azalıb.

Bu ilin 11 ayında muxtar respublikanın ticarət dövriyyəsinin 9 milyon 711 min 760 ABŞ dollarını və ya 8,5 %-ini ixrac olunmuş məhsulların, 105 milyon 197 min 660 ABŞ dollarını və ya 91,5 %-ini isə idxal məhsullarının dəyəri olub.

Ötən ilin 11 ayı ilə müqayisədə ixrac 30,4 %, idxal isə 14,7 % azalıb.