Bakıda kommersiya obyektləri bahalaşıb

Bu ilin sentyabr ayında Bakıda 1 kvadrat metr kommersiya obyektinin qiyməti avqust ayı ilə müqayisədə 3,7%, ötən ilin eyni dövrünə nisbətən isə 18,75 % artıb.

Bu barədə “Report”a “Azərbaycan Qiymətləndiricilər Cəmiyyəti” İctimai Birliyinin sədri, "MBA" konsaltinq və qiymətləndirmə şirkətinin baş direktoru, daşınmaz əmlak bazarı üzrə ekspert Nüsrət İbrahimov məlumat verib.

Onun sözlərinə görə, bazarda təklif sayı ay ərzində 26,3 % artım nümayiş etdirsə də, il ərzində 4,4 % azalma göstərib.

1 kvadrat metr obyektin icarə qiymətləri isə aylıq müqayisədə 11,25 % azalıb, illik müqayisədə isə 2,1 % artıb.

Bazarda təklif sayı isə ay ərzində 34,2 % artım, il ərzində isə 3,4 % azalma nümayiş etdirib.