Azərbaycanda vətəndaşların hesabda aldadılmasına dair şikayətlər 37 % artıb

Bu il ticarət obyektlərində vətəndaşların hesabda aldadılması halları ilə bağlı İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə 67 şikayət daxil olub.

"Report" bu barədə quruma istinadən xəbər verir.

Məlumata görə, bu, ötən illə müqayisədə 36,7% çoxdur.

Daxil olmuş şikayətlər əsasında 10 sahibkar barəsində İnzibati Xətalar Məcəlləsinin müvafiq maddəsinə əsasən protokol tərtib olunub.