Azərbaycanda Türkiyə şirkətlərinin podratçı olduğu dövlət layihələrinin sayı açıqlanıb

"Azərbaycanda Türkiyənin işgüzar dairələri geniş təmsil olunur, ölkədə türk şirkətlərinin sayı getdikcə artır".

“Report” xəbər verir ki, bunu iqtisadiyyat naziri Mikayıl Cabbarov Azərbaycan-Türkiyə iqtisadi əlaqələrinə dair dəyirmi masada bildirib.

Nazirin sözlərinə görə, hazırda Azərbaycanda 4 200-dən çox Türkiyə şirkəti fəaliyyət göstərir: “Bu göstərici üzrə Türkiyə birinci yerdə qərarlaşıb. Eyni zamanda Türkiyə şirkətləri Azərbaycanda dövlət büdcəsi vəsaiti hesabına keçirilən və dəyəri 16,3 milyard ABŞ dolları olan 300-dən layihədə podratçı qismində iştirak edərək bu sahədə də liderliyini saxlayır”.